有次夜機，突然，
叮！Seat belt sign ON！(有氣流)
因為有氣流我地要檢查機艙乘客有無扣好安全帶
當我巡視機艙嘅時候
望到地下有啲嘢伸咗出嚟走道
下意識踎低用隻手想執佢上嚟
妖！竟然係對男人腳！
原來個客瞓咗喺排椅子下面瞓覺！
即刻叫佢坐返喺椅子上扣好安全帶
如是者安全帶指示燈熄咗又着返，熄咗又着返，
佢就熄咗又落返地下瞓，然後又俾我哋叫返起身，
仲極度唔耐煩話我地阻住佢瞓覺。
其實客人喺地下瞓覺已經唔係新鮮事
有一次又係飲醉咗嘅女人打橫瞓係櫈底
然後隔離兩個朋友對腳仲踩喺嗰個女人嘅身上
我地完全發現唔到，之後見佢係下面爬出嚟去廁所先知⋯
仲可以搵到唔少BB係櫈底下面爬下爬下，
有個BB仲勁，由前面爬到最遠的廚房，
抱佢返去位(好彩知道係邊個客的B)，原來媽媽累極瞓咗無發現。
其實客人瞓地下，同放BB喺地下爬，
只要唔阻到人同唔影響安全都唔係問題嘅，
只不過⋯⋯地下真係好污糟姐，
我睇見都毛管棟⋯⋯
Search